قلت لها هل تحبيني؟سكتت وفي كل لحظه من سكوتها عاصفه من النار.........
منج منتظر كلمه وامل مصلوب
بصليب الانتظار الروح اصلبيهه
اذا قهري يفرحج دوم اظل مقهور
وظحكتج عندي عمري بروحي اشريهه
احبج مو كلام حروف من لسان
لسان انكلب كلي والج احجيهه
احبج مو كلام وصوت هذا احساس
بس غمظي عيونج وانتي حسيهه
من حقه الغرور اصبح صديقي اليوم
الدنيا اليوم ملكي وأهم شي بيهه
كالتلي احبك يا بشر يا ناس
اريدن للطيور البلسمه احجيهه
ظحكت بس نغم ظحكتهه مثل الناي
يحمل قصص واسرار ومعانيهه
قصة حلم انتي وصار شي محسوس
مثل شمس بنهار الصيف احس بيهه
لكن بعده شوكي وما نقص شو زاد
روحي تريد بس عينج تمر بيهه
كل الشعر لاجلج والقوافي شهود
بس عندي قصيده ارجوج احفظيهه
بدايتهه(احبج)بالوسط(اهواج)
واختمهه ب(احبج) ها؟؟.........حفظتيهه؟؟؟؟؟؟؟؟؟
احبج
