مدري منين اجونه وفركوا هالدين
ياهو الجان يعرف طائفة جاره
عشنه اخوان والله ايد تشبك ايد
ولو يوكع طفل تحزنله الحاره
ولو يوكع عمر نركض وياه
ونلتم العصر ونروحله الداره
ولو يعثر علي يركض عليه عثمان
ويكوله اسم الله خويه وينكث اغباره
ولو واحد تمرض بينه ذاك اليوم
نكضي الليل يمه كلنه سهاره
ما ضنينه مره بهل الوكت يندار
وتجينه وجوه صفره وكلها غداره
مابيهم رحم غايتهم يدمرون
بيتي الي بينته احجاره بحجاره
مابيهم رحم غايتهم يفرقون
بين الاخ واخوه وصاحبه وجاره
غايتهم طوايف رادوا يسون
واخويه الي بالرمادي ينسه العماره
ويحرمونه زيارة جدنه داح الباب
ابو الحسنين ذاك الي بلنجف داره
زرعوا بالدرب عبوات سيارات
فجروهه علينه ورحنا زواره
